ἀφορισμός XVI: Derrota

Apostar contra unha mesma é a mellor maneira de asegurarse a derrota.

ἀφορισμός XV: Egoísmo

A depresión transforma a persoa máis xenerosa do mundo nun monstro egoísta e cruel.
___
*A sociedade está deprimida, engado.
**Pero é un estado transitorio, matizas.

ἀφορισμός XIV: Amizade

Non hai peor inimigo que un amigo contrariado.

ἀφορισμός XIII: Respecto

Ninguén respecta menos a nosa opinión que aqueles que din defender os nosos dereitos.

ἀφορισμός XII: Silencio

O silencio é atractivo porque se deixa encher coas palabras que queremos escuitar.
O silencio é decepcionante porque ao rompelo vemos que dentro non había nada máis ca inseguridades.

ἀφορισμός XI: Rendición

Ás veces, decidir cando e como renderse é a única victoria posible.

ἀφορισμός X: frustration

Beneath every romantic there is a frustrated cynic

(click)

ἀφορισμός IX: Contrastes

Coller velocidade costa abaixo é perigoso.
Coller velocidade costa arriba é esgotador imposible.

ἀφορισμός VIII: Opcións

Envellecer é fodido, pero a alternativa é muito peor.

ἀφορισμός VII: Ritmos

Aos 20, buscas drogas que te estimulen, que te esperten, que che axuden a vivir máis horas. Máis intensamente. Máis.
Aos 30, buscas drogas que te relaxen, que te anestesien, que che axuden a durmir máis horas. Máis tranquilamente. Máis.

ἀφορισμός VI: Condicionantes

A ansiedade devora a creatividade.

ἀφορισμός V: Prazos

O tempo non cura.
O tempo, en todo caso, anestesia.

ἀφορισμός IV: Tácticas

No mellor dos casos, as promesas son innecesarias.
No peor, son mentira.

ἀφορισμός III: Estratexia

Se andas a todo, non andas a nada.

ἀφορισμός II: Capitalismo

As cousas valen o que alguén estea disposto a dar por elas.

ἀφορισμός I: Fillidade

Os nosos defectos nacen dass virtudes dos nosos pais.
E viceversa.